بيخي ښايسته بيخي بدرنګ جهان په سترګو وينم

كله رنګين كله بې رنګ جهان په سترګو وينم

ګلونه ډير دي خو په څنګ كښې اغزي هم لري ډير

څومره زردار څومره ملنګ جهان په سترګو وينم

دوطن وياړ ښكلي ځوانان دي وطن هم خرڅوي

څومره حماس څومره بې ننګ جهان په سترګو وينم

څوك په ما وياړي څوك مي ويني تويول غواړي نن

وايي فرهاد شيرين٫ كولنګ جهان په سترګو وينم

چي درابعه پر لمن داغ دعشق په تور لګوي

نعيم شاكره څه قلنګ جهان په سترګو وينم

په مينه

محمدنعيم شاكر

 

په دومره دردو غم كي مي خندل ستا په خاطر

آهونه مي دخلې څخه وتل ستا په خاطر

هردم مې هركلئ په ورين تندي ورته كاوو

دزړه كورته غمونه چي راتلل ستا په خاطر

هيڅ آه به دې زما له خولې سه نه وي اوريدلئ

زخمونه دسينې چي مي ګنډل ستا په خاطر

ستا هير دي كه په ياد وايه په ورانه ميخانه كښې

مازهر او ګنډېر درته چيښل ستا په خاطر

دهر دوست و دښمن په مخكې هرځاي ا و هروخت

چي څه به تا ويل ما به منل ستا په خاطر

په ډېره عاجزۍ ستا استقبال ته پر تندي

په دو دسته مي لاس درته نيول ستا په خاطر

پر دا باندې مې هغه رب شايد دئ كه منې

ليكم اسير تنها دغه غزل ست په خاطر

په درنښت

عبدالباري اسير

غزل

شهيم

يو امام بل مقتدي دئ

يون شهيم او دزلمي دئ

زلمي

هر ټاټوبئ كربلا شو

هر حسين زخمي زخمي دئ

شهيم

چي پيدا يې مسلمان كړم

لوي كرم دالهي دئ

شهيم

څه يې مينه كړم په زړه كښې

جهان هسي هم فاني دئ

زلمي

ته به څومره غازيان وژنې

دلته هر سړئ غازي دئ

زلمي

پام غليمه٫ خطا نه شې

دا ټاټوبئ پښتني دئ

زلمئ

بس دوخت په لمر ويليږي

ژوند به مثل ديخي دئ

شهيم

دزلمي او دشهيم خيال

څومره لوړ څومره قوي دئ

په درنښت

رحمت زلمي

شعر٫محمدنعيم آزاد

غزل

رقيب لرې له ياره ساتل ګران كار دئ اشنا

ګلاب له دغه خاره ساتل ګران كار دئ اشنا

دزړه دكور به دواړي دروازي بندي ساتې

له ښكلو دغه لاره ساتل ګران كاردئ اشنا

له ښكلو نظرونو به دې زړه ساتې ترڅو

په كاڼو كي هينداره ساتل ګران كار دئ اشنا

زړګئ به دې په تاؤ دهجر ويلي سي آخر

يخئ دلمر له ناره ساتل ګران كار دئ اشنا

سپين مخ به دې دوخت ګرځونه لاندي كړي آخر

ښيښه تل له غباره ساتل ګران كار دئ اشنا

آزاد كه يې دهيلو په ځانګو كې يمنوي

ماشوم زړه پر كراره ساتل ګران كار دئ اشنا

په درناوي

محمدنعيم آزاد

غونډه

په مسلم باغ كې دكتاب مخكتنه او مشاعره وشوه

تېره ورځ يعني پر ۲۴ نېټه په سهيلي پښتونخوا مسلم باغ كې يوه ستره مشاعره وشوه دغه مشاعره ديوې نوې ټولنې له لوري چي دسپين غرپښتو ادبي ټولنې په نامه سره ياديږي

جوړه شوې وه بايد يادونه وكړم چي دا وخت په مسلم باغ ښارګوټي كښې دپښتو ژبې دوي ټولني شته دي

چي يوه دپښتو ادبي قنديل په نامه سره يا ديږي

او يوه بيا دغه نوې سپين غر ټولنه ده

دسپين غر پښتوادبي ټولنې له لوري څخه ودې جوړې شوې مشاعرې ته دسهيلي پښتونخوا له بيلابېلو سيمو څخه ليكوالان او شاعران راغلي وو دغه مشاعره

دماښآم له لمانځه وروسته سم دستي پيل شوه

دمشاعرې خصوصي ميلمه

دجمعيت علماء اسلام نظرياتي ګوند ضلعي مشر٫ ښاغلي مولوي نورالله صاحب وو

دمشاعرې پيل دقرآن كريم په سپېڅلو آياتونو سره وشو

دتلاوت كلام الله دپاره حافظ كريم بخش راوبلل شو چي په خپل خواږه ږغ سره يې تلاوت وكړو

او وروسته بيالومړئ دسپين غر ادبي ټولنې دصدر ښاغلي سيد بادشاه شينواري پر چاپ شوي كتاب چي دڅړيكي او دردونه٫ په نامه سره ياديږي مخكتنه وشوه

په دې مخكتنه كې لومړۍ مقاله دپښتو ادبي كاروان ټولنې٫ دوكۍ صدر ښآغلي محمد نعيم شاكر وويله٫ او لدې وروسته بيا دوهمه مقاله له سهيلي پښتونخوا پښين څخه راغلي دروند شاعر ښاغلي عبدالباري اسير وړاندې كړه٫ چي بيا ورپسې

بله مقاله ښاغلي عمر ګل عسكر وړاندې كړه

او لدې وروسته بيا آزاده مشاعره پيل شوه

چي په ډير زيات شمير شاعرانو په دې مشاعره

كښې شعرونه وويل او دغه مشاعره

دشپې تر يوې بجې پوري روانه وه

او له هغه وروسته دډوډۍ بندوبست شوئ وو

هېره دې نه وي چي په دغه مشاعره كښې

چي تر ټولو ښه شعر چي دخلګو ډير خوښ شو

او ډير يې وستايلو هغه دپښتو ادبي غورځنګ كوټې٫ دملګري

دمحمدنعيم آزاد شعروو

چي اوس يې دلته تاسو ته ليكم

غزل

 ----------------------------------------------------